Museo de Pontevedra

XIII Encontro de Conservación e Restauración

A madeira, soporte de bens culturais

Edificio Castelao. Museo de Pontevedra

21 e 22 de novembro 

O ser humano atopou na madeira un material fácil de obter, de traballar e con razoables perspectivas de durabilidade, o que deu lugar a un uso case ubicuo ao longo dos séculos. Desde ferramentas cotiás e utensilios básicos a cascos de embarcacións, cadaleitos ou retablos, a madeira está presente nunha alta porcentaxe do noso patrimonio cultural, o que derivou nunha variada casuística que require o compromiso das e dos profesionais da conservación e da restauración de actualizar periodicamente os coñecementos arredor do seu tratamento.

Por este motivo, o XIII Encontro de Conservación e Restauración centra o foco na madeira e nas súas particularidades desde a perspectiva dos bens pictóricos, escultóricos e arqueolóxicos. Importantes especialistas procedentes de diversos países reuniranse en novembro co fin de compartir novidades nas propostas de intervención ou casos especialmente complexos e interesantes, o que facilitará superar os retos que propón o patrimonio cultural creado con madeira.

Organizan:

Museo de Pontevedra e Escola Superior de Conservación e Restauración de Bens Culturais de Galicia

Dirixido a:

Profesionais do ámbito da museoloxía. Aberto a estudantes de disciplinas relacionadas co tema do encontro: conservación e restauración, historia, historia da arte…

Formato:

Presencial. Rexistraranse en vídeo as intervencións para poñelas á disposición das persoas interesadas no sitio web do encontro.

Comité científico:

• Susana Ara Poceiro. Escola Superior de Conservación e Restauración de Bens Culturais de Galicia
• Álvaro Arizaga Castro. Escola Superior de Conservación e Restauración de Bens Culturais de Galicia
• Sonia Briones Vázquez. Museo de Pontevedra
• Mercedes del Campo Lores. Museo de Pontevedra
• Andrea Fernández Arcos. Escola Superior de Conservación e Restauración de Bens Culturais de Galicia
• Carmen Lorenzo Rivera. Escola Superior de Conservación e Restauración de Bens Culturais de Galicia
• Óscar Taboada Romero. Museo de Pontevedra
• Aránzazu Vaquero González. Museo de Pontevedra

Coordinación/secretaría técnica:

• Diana Duo Ramila. Museo de Pontevedra
• Agar Ledo Arias. Museo de Pontevedra
• Pilar Moreira Díaz. Museo de Pontevedra

PROGRAMA

Programa XIII Encontro (pdf)

GRAVACIÓNS EN VÍDEO

https://www.youtube.com/watch?v=J7SuUMDfAxU&list=PLI8kT8CUmE5my53qG9hZiwYndPcEMi1DQ