O cal é un material inorgánico que polas súas características está presente nun gran número dos elementos que conforman o noso patrimonio cultural. Aparece como parte constitutiva dos bens culturais en inmobles, en esculturas ou en pinturas realizadas coa técnica do fresco, pero tamén en decoracións coma o singular esgrafiado, tan presente en Galicia. En ocasións, forma parte dunha intervención posterior, coma nos encalados que ocultan pinturas murais, e os profesionais actuais buscan novidosas solucións baseadas nas calidades deste material.
O enfoque deste XIV Encontro de Conservación e Restauración centrado no cal é poliédrico: afonda no seu uso como material de creación, nos danos derivados do seu emprego e nas posibilidades de intervención que ofrece. Na compañía de profesionais de referencia para cada unha das áreas temáticas que se abordan, estudaremos o cal desde o punto de vista do seu interese para a conservación do patrimonio.
Organiza:
Museo de Pontevedra, coa colaboración da Escola Superior de Conservación e Restauración de Bens Culturais de Galicia.
Dirixido a:
Profesionais do ámbito da museoloxía. Aberto a estudantes de disciplinas relacionadas co tema do encontro: conservación e restauración, historia, historia da arte…
Formato:
Presencial. Rexistraranse en vídeo as intervencións para poñelas á disposición das persoas interesadas no sitio web do encontro.
Comité científico:
Susana Ara Poceiro. Escola Superior de Conservación e Restauración de Bens Culturais de Galicia
Sonia Briones Vázquez. Museo de Pontevedra
Mercedes del Campo Lores. Museo de Pontevedra
Andrea Fernández Arcos. Escola Superior de Conservación e Restauración de Bens Culturais de Galicia
Carmen Lorenzo Rivera. Escola Superior de Conservación e Restauración de Bens Culturais de Galicia
Museo de Pontevedra