Comunidade educativa

O Museo é un escenario privilexiado para o desenvolvemento da acción educativa. O Departamento de Educación promove o diálogo e a mediación con profesores, educadores e estudantes para a realización de novas propostas que convertan ao museo nun espazo desde o que xerar experiencias transversais de aprendizaxe participativa.

O programa escolar procura atender as necesidades da comunidade educativa, desde Educación Infantil ata Bacharelato, a través dun conxunto heteroxéneo de modalidades de visita e actividades que se adaptan aos distintos niveis educativos. Por medio delas buscamos o achegamento ás coleccións do Museo, polo que as propostas se desenvolven principalmente no ámbito da Arqueoloxía e das Belas Artes. A obra de Castelao xoga un papel destacado no noso programa escolar pola súa íntima vinculación co Museo de Pontevedra e pola transcendencia da súa figura para a historia de Galicia.

Para os nenos e nenas de Educación Infantil que se achegan por primeira vez ao Museo presentamos propostas educativas baseadas na aprendizaxe colaborativa e na experimentación. Descubrirán o Museo e as súas coleccións desde una perspectiva lúdica, participativa e creativa. As propostas combinan obradoiros e pequenas visitas a unha selección de obras senlleiras e gozarán dun espazo cheo de riqueza.

  • A bruxa das cores

    Educación Infantil

    A cativada de infantil mediante o conto A Bruxa das Cores traballarán a educación socio emocional grazas á protagonista deste relato que se alimenta de cores.

    60 minutos

  • Mira que te miro

    Educación Infantil

    Visita participativa dirixida a aprender a observar unha obra de arte, xerando estímulos que axuden a experimentar cos sentidos: vista, tacto e oído. Recoñecendo o relato que esconden e construíndo historias creamos vínculos e afectos pola arte desde ben pequenos.

    60 minutos

  • Trea, a miña amiga da Prehistoria

    Educación Infantil

    Visita dinamizada conducida por Trea, unha moneca que viaxou no tempo para contarnos como era a vida cotiá hai miles de anos. Da súa man, e utilizando réplicas arqueolóxicas, xogando coas lendas populares, e mesmo converténdonos en ourives, coñeceremos máis en detalle algúns dos materiais arqueolóxicos significativos que se exhiben no museo e poderemos valorar por que razóns son tan importantes.

    60 minutos

Para o alumnado de Educación Primaria ofrecemos visitas dinamizadas nas que se salienta a interacción e a conversa. A observación individual e a interacción do grupo configura a nosa aprendizaxe…. As propostas combinan distintas actividades como son os obradoiros e  breves visitas ás obras máis senlleiras.

  • Vou ó museo

    Educación Primaria (1º e 2º)

    Queremos convidarvos a coñecer o Museo dun xeito distinto. Con esta visita aprenderedes a mirar un cadro, a vos mover polas súas salas libremente, e a sentir o Museo coma voso. Queremos que vos divirtades e por iso é importante a vosa participación. Ver, crear, imaxinar!!!

    60 minutos

  • Mira que te miro

    Educación Primaria (1º e 2º)

    Visita participativa que ten como obxectivo aprender a observar unha obra de arte, creando estímulos que axuden a experimentar cos sentidos: vista, tacto e oído. Recoñecendo o relato que esconden e construíndo historias, xeramos vínculos e afectos pola arte desde ben pequenos.

    60 minutos

  • Trea, a miña amiga da Prehistoria

    Educación Primaria (1º e 2º)

    Visita dinamizada conducida por Trea, unha moneca que viaxou no tempo para contarnos como era a vida cotiá hai miles de anos. Da súa man, e utilizando réplicas arqueolóxicas, xogando coas lendas populares, e mesmo converténdonos en ourives, coñeceremos máis en detalle algúns dos materiais arqueolóxicos significativos que se exhiben no museo e poderemos valorar por que razóns son tan importantes.

    60 minutos

  • Museando

    Educación Primaria (3º a 6º)

    Itinerario xeral que permite coñecer as coleccións máis salientables do Museo. Adaptando o discurso a cada nivel, a visita percorre máis de 300.000 anos de historia para observar a paulatina transformación dos elementos de cultura material e a evolución da arte galega desde a Idade Media ata o século XX

    60 minutos

  • Detectives da arte

    Educación Primaria (3º e 4º)

    Visita dinamizada na que, a través dun xogo de investigación e busca, se traballan conceptos fundamentais da arte e aprendemos por medio da observación. Produciuse un roubo no Museo e resulta urxente atopar aos culpables. Os cadernos de investigadores serán a clave para resolver o misterio.

    60 minutos

  • Universo creación

    Educación Primaria (3º e 4º)

    Visita-taller na que nenas e nenos aprenderán as distintas técnicas pictóricas e xéneros artísticos con aplicacións plásticas reais co “maletín do pintor” nun laboratorio creativo de pintura.

    60 minutos (só os venres)

  • Caixa de ferramentas

    Educación Primaria (3º a 6º)

    Con distintos xogos e co uso das réplicas de varios obxectos expostos nas vitrinas, explicaremos a evolución da tecnoloxía, o uso de diferentes materias primas e a paulatina transformación da cultura material. O alumnado poderá ver, tocar e divertirse aprendendo conceptos da arqueoloxía dunha maneira lúdica e dinámica, sendo en todo momento partícipes da visita. Pensada para todo tipo de nenas e nenos, e para facilitar a inclusión de alumnado con necesidades específicas.

    60 minutos

  • Trazos da arte contemporánea

    Educación Primaria (5º e 6º)

    Visita dinamizada para coñecer algunhas das características estéticas na evolución da arte do século XX: a subxectividade e a expresividade das cores, das formas, da figuración á abstracción...

    60 minutos

  • Visita arqueoloxía

    Educación Primaria (5º e 6º)

    Visita guiada polas salas de arqueoloxía do Museo para, a partires da colección arqueolóxica, realizar un percorrido pola historia do territorio provincial desde o Paleolítico ata a romanización.

    60 minutos

  • Meu Castelao

    Educación Primaria (5º e 6º)

    Visita guiada polas salas dedicadas á figura do xenial galeguista Alfonso Daniel Rodríguez Castelao. Descubriremos o seu carácter polifacético e entenderemos por que en Galicia nada sería igual hoxe sen a súa figura.

    60 minutos

  • Visita ás Ruínas de San Domingos

    Educación Primaria (5º e 6º)

    Visita guiada aos restos conventuais das Ruínas de San Domingos, unha oportunidade para coñecer a arquitectura e a historia medieval.

     A súa apertura é de carácter estacional (do 15 de marzo ao 31 de outubro) e está condicionada pola situación meteorolóxica.

    45 minutos

Para Educación Secundaria ofrécense propostas de mediación nas que a participación activa por parte do alumnado é fundamental. Partimos da obra de arte e xeramos discursos relacionados coa súa realidade para fomentar a experiencia artística, sen esquecer cuestións sobre a diversidade, o xénero ou o respecto ao medio ambiente. Buscamos crear individuos críticos, capaces de ter unha opinión propia e de apreciar a arte en todas as súas versións.

  • Museando

    Educación Secundaria (1º a 4º)

    Itinerario xeral que permite coñecer as coleccións máis salientables do museo. Adaptando o discurso a cada nivel, a visita percorre máis de 300.000 anos de historia para observar a paulatina transformación dos elementos de cultura material e a evolución da arte galega desde a Idade Media ata o século XX

    60 minutos

  • Arte en feminino: visibles

    Educación Secundaria (1º a 4º)

    Conscientes da necesidade de reivindicar o papel da muller como suxeito activo e participativo nos procesos de construción da realidade social, con esta visita temática recuperamos da memoria ás mulleres artistas presentes na colección do Museo cunha lectura que aposta por superar as desigualdades de xénero

    60 minutos

  • Visita arqueoloxía

    Educación Secundaria (1º e 2º)

    Visita guiada polas salas de arqueoloxía do Museo para, a partir da colección arqueolóxica, realizar un percorrido pola historia do territorio provincial desde o Paleolítico ata a romanización.

    60 minutos

  • De galaicos a romanos

    Educación Secundaria (1º a 4º)

    Visita temática na que, mediante material didáctico e unha proxección audiovisual, analizaremos o contacto entre dous mundos diferentes: o indíxena e o romano. Descubriremos as transformacións que se introducen en distintos ámbitos como o social, económico, político ou simbólico como consecuencia da hexemonía romana nas nosas terras.

    60 minutos

  • Transitando

    Educación Secundaria (3º a 4º)

    Transitar significa camiñar por un espazo público. Nós transitaremos polo espazo do Museo ata conseguir facelo noso. Propomos outra forma de coñecer o Museo, onde buscamos a reflexión co alumnado mediante a observación e o paso do detalle á xeneralidade aplicando coñecementos que este xa teña adquirido.

    60 minutos

  • Os mundos de Castelao

    Educación Secundaria (3º e 4º)

    Visita guiada polas salas dedicadas á figura do xenial galeguista Alfonso Daniel Rodríguez Castelao. Descubriremos o seu carácter polifacético e entenderemos por que en Galicia nada sería igual hoxe sen a súa figura.

    60 minutos

  • Visita ás Ruínas de San Domingos

    Educación Secundaria

    Visita guiada aos restos conventuais das Ruínas de San Domingos, unha oportunidade para coñecer a arquitectura e a historia medieval.

    A súa apertura ten carácter estacional (do 15 de marzo ao 31 de outubro) e está condicionada á situación meteorolóxica.

    45 minutos

Para Bacharelato ofrécense propostas de mediación na que a participación activa por parte do alumnado é fundamental. Partimos da obra de arte e xeramos discursos relacionados coa súa realidade para fomentar a experiencia artística, sen esquecer cuestións sobre a diversidade, o xénero ou o respecto ao medio ambiente. Buscamos crear individuos críticos, capaces de ter unha opinión propia e de apreciar a arte en todas as súas versións.

  • Museando

    Bacharelato

    Itinerario xeral que permite coñecer as coleccións máis salientables do Museo. Adaptando o discurso a cada nivel, a visita percorre mais de 300.000 anos de historia para observar a paulatina transformación dos elementos de cultura material e a evolución da arte galega desde a Idade Media ata o século XX

    60 minutos

  • Arte en feminino: visibles

    Bacharelato

    Conscientes da necesidade de reivindicar o papel da muller como suxeito activo e participativo nos procesos de construción da realidade social, con esta visita temática recuperamos da memoria ás mulleres artistas presentes na colección do Museo cunha lectura que aposta por superar as desigualdades de xénero

    60 minutos

  • Transitando

    Bacharelato

    Transitar significa camiñar por un espazo público. Nós transitaremos polo espazo do Museo, tanto de xeito presencial como virtual, ata conseguir facelo noso. Propomos outra forma de coñecer o Museo, onde buscamos a reflexión co alumnado mediante a observación e o tránsito do detalle á xeneralidade aplicando coñecementos que este xa teña adquirido.

    60 minutos

  • De galaicos a romanos

    Bacharelato

    Visita temática na que, mediante material didáctico e unha proxección audiovisual, analizaremos o  contacto entre dous mundos diferentes: o indíxena e o romano. Descubriremos as transformacións que se introducen en distintos ámbitos como o  social, económico, político ou simbólico como consecuencia da hexemonía romana nas nosas terras.

    60 minutos

  • Os mundos de Castelao

    Bacharelato

    Visita guiada polas salas dedicadas á figura do xenial galeguista Alfonso Daniel Rodríguez Castelao. Descubriremos o seu carácter polifacético e entenderemos por que en Galicia nada sería igual hoxe sen a súa figura. Estas visitas poden ir acompañadas de material didáctico, un caderno de actividades que o alumnado realizará nas salas dedicadas á figura do máximo creador en Galicia.

    60/75 minutos

  • Visita ás Ruínas de San Domingos

    Bacharelato

    Visita guiada aos restos conventuais das Ruínas de San Domingos, unha oportunidade para coñecer a arquitectura e a historia medieval.

    A súa apertura ten carácter estacional (do 15 de marzo ao 31 de outubro) e está condicionada á situación meteorolóxica.

    45 minutos