Nas IV Xornadas de Educación do Museo de Pontevedra poñemos o foco no papel dos museos como centros aglutinadores de colaboracións entre diferentes axentes culturais, co obxectivo compartido de xerar unha rede comunitaria e asociativa.
Nestes tempos convulsos e incertos, todas as persoas profesionais da cultura, da educación e dos museos enfrontámonos ao reto de ofrecer unha oferta cultural que responda ás necesidades dunha sociedade plural e cambiante: que se espera de nós?, estamos preparados para dar unha resposta satisfactoria?, cal é o futuro dos museos e que papel deben xogar no tecido cultural?... Sobre todas estas cuestións queremos propiciar un lugar de encontro e intercambio para compartir experiencias, retos e inquedanzas.
Organiza:
Museo de Pontevedra. Deputación de Pontevedra.
Persoas destinatarias:
Profesionais do ámbito da educación, dos museos, da cultura e público en xeral, e tamén estudantes de disciplinas relacionadas co tema das xornadas.
Formato:
Presencial. As intervencións gravaranse en vídeo e estarán dispoñibles na páxina web das xornadas.
Comité científico:
María Covadonga Barreiro Rodríguez Moldes. Universidade de Vigo
Museo de Pontevedra