Novas Miradas sobre José Suárez
Xoves 26 de novembro de 2026, de 17:00 a 20:30 h
O Museo de Pontevedra, xunto á Real Academia Galega de Belas Artes, organiza esta xornada dedicada ao protagonista do Día das Artes Galegas 2026, o fotógrafo José Suárez (1902-1974), que estará coordinada por Xurxo Lobato.
A obra fotográfica de José Suárez caracterízase por unha ollada moderna, reflexiva, afastada do folclorismo e próxima ás correntes europeas máis innovadoras. A súa figura é un referente artístico galego de dimensión internacional e o seu traballo sitúase no eido do fotodocumentalismo, pero sempre cunha mirada profundamente humanista. Tal e como el mesmo afirmaba: "No meu traballo sempre está o home ou, polo menos, a súa pegada”.
Suárez estaba dotado dunha fonda formación intelectual e pensamento liberal e republicano. Formou parte do exilio provocado polo golpe de Estado de 1936 contra a República e a democracia. Ademais, foi cineasta e editor de tres libros: 50 fotos de Salamanca, con prólogo de Miguel de Unamuno (1932), Nieve en la cordillera (1942) e The Life & Death of the Fighting Bull (1967), con texto de John Marks.
Relacionouse con figuras destacadas da cultura coma Miguel de Unamuno, Eduardo Blanco Amor, Carlos Casares, Luis Seoane, Rafael Alberti ou Akira Kurosawa, entre outras.
PROGRAMA
De 16:30 a 20:30 h
16:30 h. Presentación
16:45 h. Conferencia de Carlos Bernárdez “O caderno de Bueu de Maruja Mallo e os mariñeiros de José Suárez”
17:15 h. Conferencia de Menchu Lamas: “A imaxe da muller nas fotos de José Suárez”
17:45 h. Conferencia de Miguel Anxo Seixas “José Suárez e Ruth Matilda Anderson, dous xeitos de ollar Galicia”
18.30 h. Conferencia de Cristina Echave “José Suárez no Museo de Pontevedra: recuperación, catalogación e difusión do patrimonio fotográfico galego”
19:15 h. Proxección. Estrea do documental José Suárez, a mirada humanista, de Xurxo Lobato