Galaicos
A exposición Galaicos. Un pobo entre dous mundos pretende amosar como o noroeste da península ibérica –a actual Galicia–, a catro días de navegación de Cádiz e de Cardiff, converteuse a finais da Idade do Bronce nun territorio de confluencia cultural entre o mundo atlántico e o mediterráneo.
A través dun selecto elenco de obxectos arqueolóxicos procedentes de diferentes museos de Galicia e Asturias, ilustracións de gran calidade e impactantes fotografías, as persoas que visitan a mostra gozarán dun percorrido pola evolución que se produce en Galicia durante un longo período de 2.000 anos, desde os momentos finais da prehistoria ata a antigüidade tardía.
A exposición, organizada pola Deputación de Pontevedra, pode verse no Sexto Edificio desde o 4 de outubro, ás 19 h en que se abre, ata o 2 de febreiro de 2020.
Horario de visita
De martes a sábados: de 10:00 a 21:00
Domingos e festivos: de 11:00 a 14:00
Luns pechado
24, 25, 31 de decembro, 1 e 6 de xaneiro pechado
Visitas guiadas á exposición
Mércores e sábados ás 18h (a partir do mércores 9 de outubro).
Non é necesaria inscrición máis o aforo será limitado a 20 persoas por rigoroso orde de chegada.
Os grupos (a partir de 10 persoas) que queiran concertar a visita guiada deberán solicitala a través da seguinte dirección de correo electrónico gabinetedidactico.museo@depo.gal ou no teléfono 986 804 100 extensión 42412 - 42413. A recepción de chamadas e correos é de luns a venres de 8:30 a 14:30.
Tanto a entrada á exposición como a participación na visita guiada é gratuíta.