Museo de Pontevedra

O Museo de Pontevedra posúe unha importante colección de ourivería da Casa Christofle que pertenceron ás irmás Concha e María Mendoza Babiano, sobriñas netas do ilustre mariño pontevedrés Casto Méndez Núñez.

Trátase dun conxunto de 52 pezas de ourivería de indubidable interese, realizado sobre todo en alpaca, pertencente a unha serie limitada que conforma unha colección que a Casa Christofle denominou “Bord de  tulipe” polos seus motivos naturalistas e presentar os bordos decorados coa flor do  tulipán. Fórmano pratos, froiteiros, ensaladeiras, bandexas, licoreiras, sopeiras,  salseiras… coas súas  respectivas marcas e número de edición.

A Casa Christofle é unha empresa de longa historia. Fundada en 1839 por Charles Christofle covertiríase nun dos emblemas de Francia.

As irmás Mendoza Babiano desempeñaron un papel moi destacado na vida social e cultural da Pontevedra de principios do século XX.

Erea Castro Alfonso estuda esta interesante colección no seguinte artigo que se pode abrir en PDF

Erea Castro Alfonso