Galicia
Do 24 de xullo ao 1 de setembro pódese ver no Sexto Edificio a mostra Galicia, a Terra dos mil panos na que se exhiben máis de cen pezas antigas que aproximan ao espectador á grande diversidade de panos que foron utilizados co traxe tradicional nos séculos XIX e principios do século XX. A inauguración terá lugar o mércores 24 de xullo ás 20h.
Nesta colección, reunida ao longo dos anos pola Asociación Etnográfica Sete Espadelas, pódense contemplar panos de pescozo, panos de cabeza, panos de man, mantóns… e coñecer as materias primas empregadas na súa confección e os adornos, bordados ou técnicas de estampaxe. Non só son panos femininos, senón tamén panos que os homes lucían fachendosos.
José Luis Rodríguez e David Quiñones son os comisarios desta mostra que reflicte a vida do traxe tradicional.
Visitas guiadas polos comisarios
Sábados 3, 17 e 24 de agosto ás 12:00 h.