No Sexto Edificio expóñense os cinco relevos que se conservan do antigo retablo da capela maior da igrexa de Santa María de Pontevedra realizados por Jácome de Prado ca. 1623 . Foran salvados da súa destrución pola Sociedad Arqueológica de Pontevedra que os entregou ó Museo en 1929.
Debido ó seu mal estado de conservación, a estrutura arquitectónica do retablo encomendado a Francisco de Antas foi substituída a comezos do s. XX polo retablo neogótico que podemos ver na actualidade, realizado por Maximino Magariños.
Nun dos relevos do desaparecido retablo represéntase o nacemento da Virxe. Aquí presentámosche en PDF a interpretación da escena que fai o pediatra Gonzalo González Lorenzo.
Premer para máis información.