null

O Museo na exposición Gallaecia petrea

29/06/2012
Museo de Pontevedra

Dezanove pezas do Museo de Pontevedra forman parte da exposición Gallaecia petrea inaugurada o venres 15 de xuño no Museo de Galicia, na Cidade da Cultura.

Como vén sendo habitual na realización de grandes exposicións, o Museo aporta algunha das súas obras máis relevantes, nesta ocasión pezas que van dende a Prehistoria ó s. XX.

Enxovais funerarios de tecnoloxía neolítica, fragmentos de dolmens e cistas, un petróglifo, un busto de pedra procedente dun castro, dous miliarios romanos, un capitel e unha lauda prerrománica, un tímpano románico, unha imaxe de pedra calcaria e un baldaquino gótico, un portapaz de acibeche e unha labra heráldica da Idade Moderna e esculturas do s. XX da autoría de José Eiroa e Narciso Pérez, forman a escolma preparada para esta magna exposición.

Picando nas imaxes pódense contemplar estas pezas e obter máis información sobre elas.

Enxovais funerarios de Chan da Cruz (Vilaboa) e Chan da Armada (Moaña) (Detalle), Megalitismo, V milenio a.C. </br>Entre os obxectos que formaban parte de diferentes enxovais funerarios que acompañaban os mortos no Megalítico, destaca o minucioso e delicado traballo destas puntas de frecha de tecnoloxía neolítica. O material exótico dalgunha delas e certos elementos formais poñen de relevo as relacións de intercambio a gran distancia que caracteriza o fenómeno megalítico.
Enxovais funerarios de Chan da Cruz (Vilaboa) e Chan da Armada (Moaña) (Detalle), Megalitismo, V milenio a.C.
Entre os obxectos que formaban parte de diferentes enxovais funerarios que acompañaban os mortos no Megalítico, destaca o minucioso e delicado traballo destas puntas de frecha de tecnoloxía neolítica. O material exótico dalgunha delas e certos elementos formais poñen de relevo as relacións de intercambio a gran distancia que caracteriza o fenómeno megalítico.
Lousa de A Braña (Silleda) , Megalitismo, V milenio a.C. </br> No Museo áchanse varios exemplos de ortostatos e lousas con gravados que formaban parte das cámaras dolménicas.
Lousa de A Braña (Silleda) , Megalitismo, V milenio a.C.
No Museo áchanse varios exemplos de ortostatos e lousas con gravados que formaban parte das cámaras dolménicas.
Cista de Coitemil (Agolada), Megalitismo Final/Inicios da Metalurxia, Ca. III milenio a.C. </br>Esta lousa con gravados xeométricos pertencente a un enterramento dos Inicios da Metalurxia é un magnífico exemplo das manifestacións artísticas deses momentos.
Cista de Coitemil (Agolada), Megalitismo Final/Inicios da Metalurxia, Ca. III milenio a.C.
Esta lousa con gravados xeométricos pertencente a un enterramento dos Inicios da Metalurxia é un magnífico exemplo das manifestacións artísticas deses momentos.
Petróglifo da Laxe das Picadas (Poio), Ca. III milenio a.C. </br> Estes gravados son un bo exemplo da temática xeométrica, maioritaria, e fortemente simbólica, dos petróglifos galaicos e que os pon en relación directa con outros focos culturais atlánticos.
Petróglifo da Laxe das Picadas (Poio), Ca. III milenio a.C.
Estes gravados son un bo exemplo da temática xeométrica, maioritaria, e fortemente simbólica, dos petróglifos galaicos e que os pon en relación directa con outros focos culturais atlánticos.
Busto de Ocastro (Silleda) </br> Dentro da plástica en vulto redondo do fenómeno castrexo da Idade do Ferro, ó busto de Ocastro cábelle a honra de ser un dos primeiros en ser coñecidos e de continuar, aínda hoxe, sendo unha peza única a causa da súa técnica de talla e da expresividade lograda con ela.
Busto de Ocastro (Silleda)
Dentro da plástica en vulto redondo do fenómeno castrexo da Idade do Ferro, ó busto de Ocastro cábelle a honra de ser un dos primeiros en ser coñecidos e de continuar, aínda hoxe, sendo unha peza única a causa da súa técnica de talla e da expresividade lograda con ela.
Lápida de Ermegondis, 624 </br>Granito, 18 x 47 x 132 cm </br> Procedente de Tomeza (Pontevedra), foi valorada xa na súa viaxe a Galicia de 1745 polo Padre Sarmiento, quen, por certo, foi o primeiro estudoso das que, a partir xustamente del, se coñecen como laudas de estola, un produto típico das terras occidentais da Península (Galicia e Norte de Portugal) entre os séculos VI e, como mínimo, XI.
Lápida de Ermegondis, 624
Granito, 18 x 47 x 132 cm
Procedente de Tomeza (Pontevedra), foi valorada xa na súa viaxe a Galicia de 1745 polo Padre Sarmiento, quen, por certo, foi o primeiro estudoso das que, a partir xustamente del, se coñecen como laudas de estola, un produto típico das terras occidentais da Península (Galicia e Norte de Portugal) entre os séculos VI e, como mínimo, XI.
Disco de Sabanle (Crecente), S. IX-X </br> Granito, 44 x 44 x 17, 5 cm
Disco de Sabanle (Crecente), S. IX-X
Granito, 44 x 44 x 17, 5 cm
Capitel, S. IX-X </br> Granito, 39 x 45´5 x 45´5 cm (parte superior) / 33´5 x 40 cm (parte inferior) Procede da parroquia de Xanza (Valga – Pontevedra).
Capitel, S. IX-X
Granito, 39 x 45´5 x 45´5 cm (parte superior) / 33´5 x 40 cm (parte inferior) Procede da parroquia de Xanza (Valga – Pontevedra).
Capitel de San Salvador de Setecoros, S. VI</br> Mármore de O Incio (Lugo), 45 x 57 x 55 cm / diámetro inferior 37 cm </br>Procedente da parroquia do concello de Valga (Pontevedra). Exemplar de tempos prerrománicos, é unha mostra excelsa do traballo dun taller de procedencia foránea (do sur peninsular, con toda probabilidade) activo en Galicia nun momento avanzado do século VI.
Capitel de San Salvador de Setecoros, S. VI
Mármore de O Incio (Lugo), 45 x 57 x 55 cm / diámetro inferior 37 cm
Procedente da parroquia do concello de Valga (Pontevedra). Exemplar de tempos prerrománicos, é unha mostra excelsa do traballo dun taller de procedencia foránea (do sur peninsular, con toda probabilidade) activo en Galicia nun momento avanzado do século VI.
Tímpano de Palmou, Ca. 1150-1160</br> Granito, 92 x 182 x 22 cm </br> Procedente da parroquia lalinense, figura á cabeza da serie dos coñecidos xenericamente como tímpanos coa representación da loita de Sansón e o león.Foi adquirido polo Museo en 2004 nunha galería de Milán.
Tímpano de Palmou, Ca. 1150-1160
Granito, 92 x 182 x 22 cm
Procedente da parroquia lalinense, figura á cabeza da serie dos coñecidos xenericamente como tímpanos coa representación da loita de Sansón e o león.Foi adquirido polo Museo en 2004 nunha galería de Milán.
Virxe do Leite, Princ. S. XIV</br> Caliza, 109 x 45 x 23 cm </br> Esta obra, realizada por un taller do norte de Francia, é unha das pezas excepcionais do apartado dedicado á arte gótica. Procede do desaparecido hospital pontevedrés de San Xoán de Deus.
Virxe do Leite, Princ. S. XIV
Caliza, 109 x 45 x 23 cm
Esta obra, realizada por un taller do norte de Francia, é unha das pezas excepcionais do apartado dedicado á arte gótica. Procede do desaparecido hospital pontevedrés de San Xoán de Deus.
Dintel de baldaquino, decorado con armas dos Gago, Agulla e Figueroa, Ca. 1500</br> Granito, 75 x 190 x 17 cm </br>Pertenceu no seu día a un deses monumentos, tan característicos dos tempos finais da Idade Media en Galicia en xeral e nas terras próximas a Pontevedra en particular, instalado na igrexa parroquial de San Pedro de Vilalonga (Sanxenxo, Pontevedra).
Dintel de baldaquino, decorado con armas dos Gago, Agulla e Figueroa, Ca. 1500
Granito, 75 x 190 x 17 cm
Pertenceu no seu día a un deses monumentos, tan característicos dos tempos finais da Idade Media en Galicia en xeral e nas terras próximas a Pontevedra en particular, instalado na igrexa parroquial de San Pedro de Vilalonga (Sanxenxo, Pontevedra).
Portapaz con Santiago Peregrino e dous orante,S. XVI</br> Acibeche, 16,5 x 13,4 x 6,8 cm </br>Esta peza, dun taller compostelán, é un exemplo do traballo dos coñecidos como acibecheiros ourives dedicados á elaboración de pezas suntuosas de gran calidade que se realizaban por encargo. Estaban destinadas a satisfacer a demanda de institucións eclesiásticas ou de particulares adiñeirados.
Portapaz con Santiago Peregrino e dous orante,S. XVI
Acibeche, 16,5 x 13,4 x 6,8 cm
Esta peza, dun taller compostelán, é un exemplo do traballo dos coñecidos como acibecheiros ourives dedicados á elaboración de pezas suntuosas de gran calidade que se realizaban por encargo. Estaban destinadas a satisfacer a demanda de institucións eclesiásticas ou de particulares adiñeirados.
Escudo de armas, S. XVII</br> Granito, 138 x 90 x 60 cm </br> Componse de tres pezas, dúas que forman o escudo e unha superior na que está esculpida a coroa. Nunha cartela, sostida por un león coroado, preséntanse cuarteladas en cruz as armas de Camba, Valladares, Sarmiento e Villar, con escusón sobre o todo sen labrar, que en orixe tiña policromado o escudo dos Miranda. Pertenceu a Dona Gaspara Catalina Valladares Lemos Mosquera e Villar e Don Pedro Analso de Miranda. Conserva restos de policromía. Procede do desaparecido hospital de San Xoán de Deus (Pontevedra)
Escudo de armas, S. XVII
Granito, 138 x 90 x 60 cm
Componse de tres pezas, dúas que forman o escudo e unha superior na que está esculpida a coroa. Nunha cartela, sostida por un león coroado, preséntanse cuarteladas en cruz as armas de Camba, Valladares, Sarmiento e Villar, con escusón sobre o todo sen labrar, que en orixe tiña policromado o escudo dos Miranda. Pertenceu a Dona Gaspara Catalina Valladares Lemos Mosquera e Villar e Don Pedro Analso de Miranda. Conserva restos de policromía. Procede do desaparecido hospital de San Xoán de Deus (Pontevedra)
JOSÉ EIROA (1892 – 1935) Cabeza de muller </br> Talla / alabastro, 26 x 30´3 x 16´5 cm
JOSÉ EIROA (1892 – 1935) Cabeza de muller
Talla / alabastro, 26 x 30´3 x 16´5 cm
NARCISO PÉREZ REY (1904 – 1930)</br> San Ero de Armenteira, 1927</br> Talla / granito, 104 x 41 x 36 cm
NARCISO PÉREZ REY (1904 – 1930)
San Ero de Armenteira, 1927
Talla / granito, 104 x 41 x 36 cm
NARCISO PÉREZ REY (1904 – 1930) </br>Guerreiro celta, 1928 </br>Talla / granito, 108 x 48 x 78 cm </br>Doazón de Antonio e Manuel Pérez Rey
NARCISO PÉREZ REY (1904 – 1930)
Guerreiro celta, 1928
Talla / granito, 108 x 48 x 78 cm
Doazón de Antonio e Manuel Pérez Rey