A colección de cornetas de corno de cabra ou carneiro que se conserva no Museo de Pontevedra chegou a través de Casto Sampedro e a Sociedade Arqueolóxica. Son instrumentos ancestrais que noutrora deberon ser frecuentes en Galicia utilizados polos pastores.
O pasado 4 de febreiro estivo probando como soaban Abraham Cupeiro, músico experto en interpretación de instrumentos históricos, que compaxina a súa actividade como profesor do Conservatorio coa investigación, a composición e a recreación de antigos instrumentos.
Neste vídeo amósanse os resultados da experiencia coas explicacións que sobre cada un destes instrumentos extintos dá o propio intérprete.