Obradoiro: Un Mapa É unha Ponte. Experiencia de creación con JJ Richards
Sábado 23 de novembro, ás 12 h, no Edificio Castelao
Obradoiro para público adulto e novo, sen necesidade de experiencia previa. O obxectivo é experimentar coa creación dun mapa a partir de fragmentos da novela Pensar para atrás, da artista JJ Richards.
A inscrición abrirase o martes 12 de novembro ás 9 h e haberá 12 prazas dispoñibles. A solicitude enviarase por correo electrónico a reservas.museo@depo.gal e nela indicaranse o nome e apelidos e mais o teléfono de contacto.
Proponse considerar a obra como un xerme de significación aberto á experimentación, que xere novas experiencias posibles nas e nos visitantes. Convídase ás persoas participantes a percorrer o espazo e a colaborar na creación dun mapa real ou simbólico, acompañadas pola autora. A experiencia pretende explorar narrativas dixitais, xerar diálogos e favorecer a reflexión en grupo.