Xornadas Internacionais de Estudos Transatlánticos
Museo de Pontevedra, do 8 ao 10 de xullo de 2025
O Museo de Pontevedra e o Instituto de Historia do CSIC organizan as Xornadas Internacionais de Estudos Transatlánticos Facedoras de Cultura. Desde unha perspectiva ampla, con especial interese nas artes visuais e sonoras, poñerase a atención no papel fundamental que as mulleres desenvolveron nas relacións culturais producidas entre España e o continente americano ao longo do século xx.
O programa articúlase en tres liñas temáticas: o espazo transatlántico como contorna de mobilidade e intercambio durante o século xx, a experiencia de mulleres vinculadas a Galicia e a valoración de creacións de artesanía ou prácticas artísticas en soportes non convencionais.
Nun estreito diálogo entre a investigación científica e a creación artística, as xornadas contan coa participación de Gloria Cortés Aliaga, historiadora feminista de arte e conservadora do Museo de Belas Artes de Chile; a obra e o testemuño das artistas transatlánticas Gloria García Lorca e Violeta Quispe; un taller coa ilustradora e autora de cómic Bea Lema, Premio Nacional de Cómic 2024; ou un concerto de Paulina y el Buscapié, liderado por Paulina Tenorio, cantante oaxaqueña de orixe galega, entre outras persoas participantes.
Dirixido a:
Público xeral con intereses culturais, históricos ou artísticos. Profesionais da creación artística e da xestión cultural ou museística. Comunidade académica, tanto alumnado coma persoal docente e investigador con especial interese nos estudos transatlánticos e de xénero.
Formato:
Presencial. As intervencións gravaranse en vídeo e poñeranse a disposición das persoas interesadas no sitio web do encontro.
Organizan:
Museo de Pontevedra e o proxecto de I+D+i "Hacedoras de Cultura: conexiones e intercambios artísticos transatlánticos en el siglo XX" (PID2022-142633OA-I00), financiado por MCIU/AEI/10.13039/501100011033/ e por “FEDER-Una manera de hacer Europa”.
Dirección xeral: Carmen Gaitán Salinas
Coordinación científica: Michel Otayek
Coordinación artística: Samuel Diz
Coordinación por parte do Museo de Pontevedra: Agar Ledo e Diana Duo Ramila
Secretaría: Blanca Gutiérrez Lobato e Álvaro del Fresno
Comité organizador: Irene Martín, Mónica Monmeneu e David Solórzano
Comité científico: Carmen Gaitán Salinas, Michel Otayek e Diana Duo Ramila
Museo de Pontevedra
