Museo de Pontevedra

A igrexa de San Martiño de Lalín foi a primeira estudada por un numeroso grupo de seminaristas o primeiro día da xeira de 1928, o 24 de xuño; Sebastián González García-Paz volvería visitala o ano seguinte. Este templo formou parte dun antigo mosteiro e, aínda que modificado, chega a nós cunha estrutura e cunha decoración que nos mostran un exemplar único do románico rural da comarca.