Museo de Pontevedra

XI Encontro de Conservación e Restauración. Deseño e xestión das salas de reserva: onde comeza a restauración

24 e 25 de novembro de 2022

Sen dúbida, os museos están inmersos nun proceso de reflexión e debate crítico para afrontar os múltiples cambios aos que se enfrontan para avanzar nunha xestión integrada e máis eficiente da súa práctica diaria. Un dos aspectos que mellor evidencian unha nova concepción e organización dos museos é a crecente atención prestada ás reservas da colección que, sempre infravaloradas e insuficientes,  están a pasar dunha posición marxinal a outra central nas inquietudes dos profesionais do mundo dos museos.

Esta necesidade está intimamente relacionada coa procura polos profesionais dunha xestión más eficiente, sostible e responsable dos nosos museos, pero tamén cunha clara vontade de dar visibilidade á maior parte da colección. Nesta dinámica, nos últimos anos emerxeron algunhas iniciativas pioneiras que marcan o camiño sobre cuestións como o deseño ex novo de salas de reserva, a reorganización funcional das existentes, a creación de reservas visitables ou a emerxencia de centros de depósito de coleccións patrimoniais que dan servizo a varias institucións.

Este encontro é unha boa oportunidade para compartir coñecemento experto e coñecer algunhas experiencias desenvolvidas nos últimos anos por institucións de referencia tanto no ámbito nacional como internacional. Só a través da discusión e análise crítica é posible que a toma de decisións sexa máis informada, responsable e sostible.

PROGRAMA

Programa XI Encontro (pdf)

GRAVACIÓNS EN VÍDEO

https://www.youtube.com/watch?v=oEBolb7vU48&list=PLI8kT8CUmE5klFx_0D8LEh7lAOggK3yHR